GoodFellas
والله الفلم ذا ايقونه بدون مبالغه، في حياتي كلها ماشفت فلم يصوّر المافيا بشكلها القبيح الواقعي هذا.
اكبر مايميز الفلم برأيي هو الـ"أصالة" في سرد القصه، لاوجود لإحترام وثقه في عالم يحكمه رجال لايمتلكون من الرحمه شيء، وهذا برأيي اكبر ماميّز الفلم بلاشك.
شاهدت مقابلات كثيره لـ هنري هيل واعتقد ان الرجل هذا ارتقى على مآسي الناس الي تضرروا من العصابات في اول حياته، في كل مقابله له يحاول يُظهِر ذاته بأنه الشخص الصالح والاقل جنون بين الجميع، أنه اكثر شخص طبيعي فيهم وانا أشك في ان اي شخص عاش هذي الاحداث وساهم فيها وبعدها يحاول يقنعك إن فيه لفل للجنون شي مقبول، كل شخص شارك في هذي القصه كان مجرم، والعاطفه لهينري لمجرد أنّه "الراوي" شيء مبتذل قبيح.
الحقيقه إني استمتعت في الفلم كامل، مامليت ابدًا على مدار الفلم كامل وهذا شي عادةً يتميز فيه سكورسيزي بإخراجه الرهيب الدائم، حتى في المشاهد الطويله يختار محور مميز يخليك تتحمس معه بدون أي ملل.
في الفلم، أشرك سكورسيزي "إدوارد ماكدونالد" الرجل الي أحضر هينري في الحقيقه لـ"حماية الشهود" ، وهذا شي مُعتاد على مارتن، فالحقيقه لاتحلوّ الا بإحضار أُناس شهدوا بأعينهم على ماحدث، وهذا الشي يبني رابطه مميزه بينك وبين الفلم، فتشعر بواقعية ماتشاهده بشكل أكبر وافضل.
اتمنى ان تسنح لي الفرصه وأقرا الكتاب المقتبس منه الفلم"wiseguy”، لأن روعة "الرفقة الطيبّه" تستحق ان تهيم في كل جوانبها، ولاشيء يتفوّق على الـOriginal Content في هالناحيه، سيكون هذا الكتاب على قائمة القراءة خاصتي بإذن الله.