Obsession

اقسم ان هذا هو فلم الرعب الوحيد الي قررت اتابعه بارادتي، والله مستحيل مدري وش الحاصل كل افكار المخرجين تنفذت على اكمل واروع وجه، حرفيًا ماقد توترت زي كذا من فتره طويله جدًا!!! سلبية الافلام هذي واضحه، فلم مثل اوبسشن مابشوف زيه على الاطلاق بالغالب، سواء من ابداع  وابتعاد عن الكليشيات المعتاده او من روعة كتابة سيناريو مميز مره؛ السلبيه دائمًا تجدها متشابهه الا وهي ان الفلم موجود للاثاره فقط، انا اقدر أأكد لكم اني بصحى بعد شوي واذهب للدوام وانسى شي اسمه اوبسشن طول الدهر لولا هذا التطبيق، وهذي سلبيه ابغضها لان المخرج والكاتب يبون اهتمامك لمدة ساعتين فقط ابعد من هالوقت لاحاجه لهم فيها، وهم نجحوا بهذا الشيء واقدم لهم احترامي على تحقيق مسعاهم فقط لا اكثر.  اوبسشن تجربه جميله، فاتتني بالسينما للاسف، ولكن رغم ذلك استمتعت فيها. الان نرجع لعمر العهد القديم ونفسخ عقد تصنيف الرعب البغيض.