Zodiac
من زمان ما قد شفت فلم قوي ويشدني من البداية لين النهاية بدون ما امل
لكن الفلم ذا شدني شدني بكل شيء رغم اني عارف انه قصة حقيقية وما لقو القاتل لكن كنت مركز على كل شخصية وممكن هي تكون القاتل
الشخصيات رهيبة عجبني فيها التوازن الي تعطيه للمسلسل مثلا المحقق "ديفيد توشي" والهدوء والحدة الي يعطيها للفلم وفالجانب الثاني "بول ايفري" الي اعطى للفلم نكهة كوميدية بعقله الساخر اكثر شيء عجبني فالشخصيات انهم يحسسونك انهم صدق بشر حقيقين مب مجرد سكوبت
احترمت العمل اكثر لانهم ما حطو لقطات مالها داعي لانه نوع الافلام ذا
ما يصلح اصلا تكون فيه لقطات وسخة
طبعا الاخراج ولا غلطة وكل مرة فنشر كل مرة يقنعني انه مخرج عظيم يعرف كيف يبني التوتر بهدوء ما يحتاج مشاهد اكشن وطخ وطيخ او رعب مباشر طريقة تصويره تزيد من واقعية الفلم كنك معهم فالتحقيق وكل مشهد محسوب بدقة الزوايا الالوان الاضائة كلها تشتغل مع بعض عشان تدخلك جو القلق
النهاية بدون حرق منطقية ومفتوحة مب لاي احد لكن هذي افضل نهاية ممكن يقدمها العمل بالنسبة لي