Scarface

“One thing about me, I always tell the truth. Even when I lie.” فلم Scarface من إخراج براين دي بالما وبطولة الأسطورة آل باتشينو ويعتبر من أشهر أفلام الجريمة بتاريخ السينما الفيلم حرفيا صار أيقونة سواء من ناحية الشخصيات أو الاقتباسات أو حتى الأسلوب البصري الفيلم يتكلم عن توني مونتانا مهاجر كوبي يجي أمريكا وما عنده شيء لكن عنده طموح وجشع بشكل مو طبيعي يبدأ من تحت الصفر ويدخل عالم المخدرات والجريمة لين يصير واحد من أكبر الأسماء هناك المشكلة إن الطموح إذا صار بدون حدود يبدأ ياكل صاحبه شوي شوي أداء آل باتشينو هنا واحد من أعظم الأداءات بتاريخ السينما طريقة كلامه و نظراته و عصبيته وحتى ضحكته اقسم بالله ابدع كعادته كل مشهد يدخل فيه يكون طاغي بشكل مجنون خصوصا لما تشوف كيف يتحول من شخص فقير وطموح إلى واحد مهووس بالقوة والفلوس التدرج بالشخصية رهيب جدا الفيلم مليان جمل أيقونية معروفة حتى عند اللي ما شافوا الفلم الحوار حاد وعنيف وصريح ويعكس شخصية توني بشكل ممتاز الفيلم قاعد يوريك كيف الطمع والغرور يدمر الإنسان مهما وصل أجواء ميامي بالثمانينات بالفيلم شيء ثاني الألوان الفقاعة والموسيقى القديمة والملابس الغريبة و عالم الاجرام والمخدرات والفلوس تحس الفيلم عنده شخصية خاصة فيه لدرجة حتى لو تشوف لقطة وحدة غالبا تعرف إنه Scarface براين دي بالما أبدع بالإخراج خصوصا بالمشاهد التوترية والعنيفة فيه لقطات صارت من أشهر اللقطات بتاريخ السينما العنف بالفيلم قوي وصريح وحتى بمعايير اليوم يعتبر قوي شوي لكن هذا جزء من هوية الفلم مع إن الفيلم أسطوري عنده كم نقطة سلبية طوله تقريبا 3 ساعات وبعض الناس يشوفون فيه تمطيط بالنص المبالغة أحيانا بتصرفات توني مالها داعي و غير منطقيه فيه مشاهد كثيرة +18 تحسها حشر بس لكن غالبية هالأشياء تخدم فكرة الفلم عن الانهيار والجشع والفيلم أثر على الثقافة الشعبية بشكل ضخم من ناحية ألعاب و أغاني راب و مسلسلات وشخصيات كثيرة مستوحاة منه القصة 9/10 التمثيل 10/10 الإخراج 9.5/10 التأثير والمتعة 10/10 التقييم الكلي 9.5 / 10 فلم ثقيل و عنيف و سوداوي لكنه من الأفلام اللي مستحيل تنساها بعد ما تخلصه وتوني مونتانا من أكثر الشخصيات الأيقونية بتاريخ السينما وانتهى الكلام