Almost Famous
“The war is over. They won. They will ruin rock’n’roll… and strangle everything we love about it.”
واو واو واو ايش اقول ووش اخلي؟ on my top four immediately
بدايه الفلم و معليش على الألفاظ لكن خرا ما استهويتها أبدا وبديت أراجع ليش اخترت ذا الفلم عشان أتابعه.. لكن في النص تغيرت نظرتي عن الفلم تماما.
كيف ان ويليام وهو صغير كان اذكى من الي بعمره لدرجة انه تقدم صفين؟ وكان يبي يصير قاضي زي كلينتون.. اكره اخته الكبيره ما تسمى أخت كبيره كرهته في أمه مع انها هي بس كانت تبي الأفضل لهم طبيعي لانها ام لكن عشان ديرل عبى مخها على امها ما عاد صارت تحب امها أبدا مو معقول هي كانت تحاول تبني لكم بيئه آمنه وما كانت تبيكم زي معظم المراهقين في ذاك الوقت لان كانت تشوفهم خربانين و نظرتها لهم صح! لكن طبعا هي تشوف انها ضدها وما تحبني ومدري وشو يا كرهي لها بس.. إذا انتي تكرهينها عشان ما سمحت لك بكم شي لا تكرهين اخوك فيها وانتي تعرفين انه يحبها في النهايه هي أمه وانتي اخته الكبيره الي المفروض تكونين بمقام أمه لكن ما تستحقين ذا شي وع.
ويليام خرب خرب جدا كله من البومات اخته هههههههههه ما توقعت الاغاني او الهوس فيها يوديه لذي الدرجه مستحيل. المهم اني ما حبيت ويليام وين كانت اهتمامته موديته وانا عارفه ان ما كان متخيل ان ذا كله بيصير كان بس يبغى يكتب عن الفرقه ومقابلات خفيفه مع كل عضو فيها الكل كان مرحب بالفكره لكن رسل كان دايم يصرفه يقول الرحله الجايه الرحله الجايه لدرجه ان الولد فاتته اختباراته و حتى تخرجه الي كان يوعد امه انه بيجي قبله! كله عشان مقابله مع رسل وهذا أبدا مو عقلاني لكن بزر وش نقول هههههههههه
كرهت رسل اكثر من بعد ما كلم ام ويليام ما دامك عرفت الولد قاصر و ما ينفع ابد يشوف الاشياء الي شافها ما حاولت تقنعه ولا سويت الشي الي هو يبغاه عشان يرجع لامه إلا وطنشت ان عمره ١٥ بس يعيععيعيع يقهر اهخ كريه.
أنا كنت تكه وابكي ام ويليام مره تحزنني! وش سوت هي عشان اولادها كل واحد يروح في طريقه و يطنشها مره تعور قلبي عليها ما تستحق الي يصيرلها
بيني.. بيني شخصيه مميزه في الفلم لكن ما استهويتها ابد بس لعب و استغلال فقط مع ان حتى هي بزر نفسي اعرف أهلها وين عنها ابغى اعرف Backstory حقتها وكيف وصلت لذي المواصيل لانها اوفر مره و عايشه بأسم مستعار كمان و الكل يحبها يوم بعدت عن الكل و سافرت استرجعت عقلها وهذا الي خلاني اعجب في شخصيتها كيف انها أعطت رسل عنوان بيت ويليام عشان تصلح العلاقه ما بينهم that was a good thing to do!
الفلم مره عجبني بس العيب فيه كان طوله ساعتين و أربعين دقيقه؟ مره مططوه في أشياء كثييرر مالها داعي ما كان لازم يحطونها لكن أمريكان وش متوقعه أنا هههههههههه