Solanin
☹️☹️☹️
ايش هذا؟ الفلم مره لامس قلبي وعجبتني أجواءه وكيف انه يحكي عن كيف المراهقين الي توهم خلصوا جامعه وكيف بيعيشون حياتهم كبالغين اهخ الفلم كله افكار و الي ما عنده طموحات كيف صار يا الله ليه كذا مره واقعي وحلو؟خلوني ابدأ بقصه الفلم القصه مره حلوه و فريده من نوعها انها تحكي قضيه حقيقيه في المجتمع بكافه أنواعه ان ايش بسوي بعدين؟ وش الي بيقابلني بعدين؟ هل بخليه وما بحاول اسوي شي ولا أنا الي اقرر وش بيصير بأفعالي وطموحاتي الواضحه او بسوي بسوي وما بيصير شي على مزاجي؟ اسئله كثييره ما بيجاوب عليها إلا المستقبل.
تانيداااا بطل الفلم الخسيس هههههههههههه شخصيه تانيدا تخضع وبقوه للي يصير له يشوف انه اول مره ما نجح على طول يغير ما يكمل على الشي يقول خلاص دام انه ما نفع لي ليش اجرب؟ ميكو سبب رئيسي لتغيير تانيدا و إصرارها عليه انه يلحق حلمه مهما صار تعجبني انها مصره عليه لكن تانيدا عنيد ما يصبر على الشي وعلى طول يا اما انجح يا اما خلاص.. هذا الي خلاه يترك ميكو! زعلني مره وحطمني يوم قال لميكو I think we should break up ميكو طبعا ما خلته على كيفه واصرت عليه قام راضاها بيوم واحد يقعد عندها وراح وهرب.. يخطط انه بيرجع لبيته حركه خسيسه منه هههههههههه ويوم قرر يرجع صار الي صار ومات البطل.. كان بإمكانه انه ما يموت ما يقطع الاشاره الحمرا يهدي على نفسه بس مشاعره غلبته.
ميكو صح زعلت يوم مات بس ما صارت زيه و خلت مشاعرها تتحكم فيها إلا وكملت شغف تانيدا وكملت شغل الفرقه و لعبت الاغنيه الي الفها حرفيا كملت خطاه يعجبني إصرارها يعجبني انها ما تحطمت على طول بل كملت كله عشان حبها لتانيدا.
كمان أصدقاء تانيدا مره مره عسولين كان بيلي يهتم بميكو يوم مات تانيدا يجيب لها اكل يشيك عليها وفيه شخصيتين بالفلم ما ادري وش مبتغاهم البنت الي دايم تحوم حول كاتو و الولد الي كان يعلم ميكو القيتار يمكن البنت الي تحوم حول كاتو هي الي ساعدتهم يلعبون بنهايه الفلم مدري لكن احس ما كان لها داعي بلقطه الي كان كاتو يشيلها ماله داعييي.
شخصيتي المفضله ميكو second favourite آي-تشان اثنينهم عسولاتتت ودايم مع بعض ومقدرين بعض منجد تحسهم بست فيرندز حقيقين! كيوتات احبهم.نهايه الفلم عجبتني مره ميكو لعبت دور تانيدا ولعبت عشانه و تخطت بالنهايه ونقلت شقه ثانيه واخذت الميداليه حقتهممم اهخخ لو وحده متخلفه كان اكتئاب وأربع وعشرين ساعه ببيتها ما تسوي شي تاكل وتنام وتبكي طول الليل.
.Sweet lies bitter memories I’ll hold all of you tight