The Proposal
الله من احلى ال Rom-coms الي شفتهاااا
منجد الصراحه تستحق ان يطلق عليها Rom-com لان عطوها حقها من الضحك ومن الأحداث الي بينهم!
مره مره عجبتني حتى نفسيتي تغيرت من بعد الفلم كنت منفسههه خفت انه ينفسني زياده بس مره مره فرحني و ضحكني مو طبيعي هههههههههه
حبيت ان أندرو ما مشى الأمور على كيفها بكل سهوله و طلب منها Also the way he humiliated her in the first! برد قلبي عليها لان الصراحه كانت شوي كريهه بالبدايه ما جازت لي مره
في شخصيتين أبدا أبدا مالهم داعي ولا غيروا اي شي بالقصه وما بلعتهم الصراحه لييننن النهايه الي هو ذاك الرقاص و الاكس حقت اندروا ما تدري هم وش يبغون بالفلم وليه حطوهم بالفلم بس كذا بالذات الاكس حقت اندروا ما قدمت شي ولا اخرت شي توقعت انها بتكون الشخصيه الكريهه الي بتحاول تخرب عليهم كل شي بس كان حالها حال نفسها وذا حلو بس مالها داعي ابد بدون فايده هي و الإسباني ذاك تحسه هو حق كل شي رقاص حق زواجات و كمان يشتغل في سوبرماركت مو طبيعي
اما جدة أندرو اهخخ حبيتها عسلللل تضحك و عسوله بس حسيتها بالبدايه ما تقبلت مارغريت بس بعد ما مارغريت شافتها بالغابه وصار الي صار هههههههههههه حبتهااا مرههه مو طبيعي حتى صارت تغني معاها مره جازت لها
ابو اندروا و ذاك حق السفاره الي مدري وش وضعه اهخ كريهييينننن لدرجههههه مو طبيعيييهههه!!! بالذات حق السفاره اهخ كريه كريه لاحقهم بكل مكان مو طبيعي! بعد عنهم يا شيخ و فرحان كمان يوم اعترفت مارغريت مدري وش بيستفيد بس دام الابتسامه شقت وجهه شق طبيعي بيستفيد حاجه منها اما ابو اندروا حكايه ثانيه إلا و إلا يتحكم فيه ويشغله باشياء ما يحبها و يحبسه معهم طيب حتى ولو يبي يروح يشتغل بشي ثاني هو يحبه عشان يتقن فيه لان ميه بالميه ما بيتقد في شي هو ما يحبه لا هو ولا غيره فا يعني حتى لو قعد ما بيفيدك و في نهاية الفلم كمان ما تصالحوا يعني علاقتهم كأب و ابن جدا جدا غريبه.
الأحداث ما كانت مره مرتبه و محبوكه بس ما اهتميت يوم كنت اتابع كنت مستمتعه يعني ما استوعبت ذا الشي إلا الحين وانا قاعده اكتب الصراحه ما يهمني ايش الي بحس فيه بعد الفلم بس الي يهمني وش الي قاعده أنا احس فيه وانا اتابع الفلم which is the most important part!
اهخ النهايه جابت لي ضيقه مدري ليش هههههههههه ما عجبتني مره ما كنت ابي شي معين لكن ما عجبتني ما توقعتها بتكون مره simple زي كذا