Zodiac
يمكن يكون الفيلم ممل ويلغبط في اوقات كتير
بس تقريبا دي من اكتر المعالجات لقصة حقيقة اللي اتعملت حلو في فيلم ويمكن تكون احسن واحدة لقصة بالغموض ده
جمال الفيلم ده مش في القصة لانها قصة شبه عادية لكن جماله في طريقة ديفيد فينشر في إخراجه وفي اهتمامه بكل التفاصيل وفي انه سايب الحوار غامض في حاجات كتير وفضل يتوه الواحد جامد في كل حتة حرفيا
ويمكن دي الحاجة اللي بتميز فينشر هو أسلوبه الاخراجي اللي لو شوفتله اي فيلم هتعرفه علطول لانه دائما بيركز على التفاصيل والبساطة وده بيخليك تحس انك عايش القصة نفسها اكنها حدث طبيعي بيحصل في الشارع اللي جنبكوا
في الاخير حابب اقول ان فينشر يتصنف من أعظم عشر مخرجين في التاريخ واندرريتد جدا ولازم بتقدر اكتر من كده