Mahmoud

قاعد اجرب التطبيق الجديد وبرضو اخذلني يوزر ، اتوقع مافي ولا عربي بهالتطبيق ، التطبيق جيد بس لسا يبيله كثير عشان يصير زي ليتربوكس ، احلى شي فيه وافضل ميزة انك تقدر تقيم على الرقم الي يعجبك يعني 8.1 او 7.3 هذا الشي رهيب

مدري على وش كل هالتطبيل الفيلم بدايته بطيئة ويبغالك وقت لين تبدا تفهم وتتتعرف وتستوعب الي قاعد يصير وما ابالغ لو قلت تقريبا لازم تعدي نص الفيلم عشان تبدا تفهم . قصة شفناها كثير بافلام كثير بس ماقد شفناها مع مخرج وبنته الممثلة فعشان كذا اتوقع الناس كلها منهبلين عليه ومقيمينه هالتقييمات ، اي فيلم بكون فيه اخراج او تمثيل يرفعوه للسماء حتى لو الفيلم عادي الفيلم يشبه كثير Autumn Sonata ولكن شتاااان بين الثرى والثرية ، الفيلم بطيء وطويل وثقيل بدون سبب او معنى او فكرة هادفة ورا الفيلم ، لو انه ساعة ونص كان بيكون جميل لانه بيكون متوازن بس ساعتين وربع كثير والله  بتكلم بحرق❗️❗️❗️❗️❗️❗️❗️❗️❗️❗️❗️❗️❗️❗️❗️❗️❗️ كنت انتظر طول الفيلم الحوار الانفجاري بين نورا والاب بس سحبوا عليه ! ليه مدري والله كان بيرفع ام الفيلم بشكل رهيب ، شفناهم ينفجروا على خفيف وعلى بعض بس  الفيلم المفروض انه درامي ويحزن ومؤثر ولكن انا شخصيا ما حزنت ولا تأثرت بالقصة  كثير ولا شايفها منطقية ، المخرج مو ملاقي ولا اي ممثلة مناسبة للدور غير بنته؟ مو معقول يخوي كيف مخرج انت  في شي حبيته وهو تسكيب الاحداث الجانبية والتعمق على طول بالقصة ، مثل يوم تطلع عالمسرح وتبدا تمثل الممثل على طول يقطع ويعطينا بعدها وش صار ، هالحركة صارت كثير وكانت رهيبة تخفف من الملل الي في الفيلم ‼️‼️‼️‼️‼️‼️‼️‼️‼️‼️‼️‼️‼️‼️‼️‼️‼️‼️‼️ الفيلم نوعا ما جيد ليس اكثر ، اذا احد حب هذا واعطاه تقييم عالي نصيحة شوف Autumn Sonata وبترجعلي معطيه ٧ نجوم مو ٥ انتبهت اني بس اسب بالفيلم بدون ايجابيات من الخذلان ، عالعموم هو فيلم جيد وهادي ورايق كلامي مو معناه انك لا تتابعه بس كلامي طالع من الخذلان والتوقعات العالية الي كنت حاطها ، بعيدا عن ذلك الفيلم جيد واخراجه جميل والتصوير جدا جدا جميل واشوفه افضل شي بالفيلم ، تمثيل البنات جميل صدقا وحبيت اغنيس اكثر ، بشكل عام فيلم جيد ليس اكثر .  6.5/10

ازق من الجزء الاول بكثييييير ، وازق فيلم بالسنة

واو ثلاث افلام ايرانية تابعتها وولا واحد خذلني . الافلام الايرانية لها طابع جميل ومميز ، مشاهد طويلة وحوارية ، مشاهد طويلة صامتة ، بدون موسيقى ، النساء كلهم متسترات ومتحجبات ، قصة شاعرية تكسر القلب ، افلام ساعة ونص ولكن ثقيلة كانها ست ساعات ، فايب خاص احبه واحب كل فترة اتابعه . يفضل ما تعرف اي شي عن احداث الفيلم فما بتكلم عنه بالمراجعة بس الفيلم من اجمل واحلى افلام السنة ومرشح لافضل فيلم اجنبي بالاوسكار وما استغرب لو فازها