Two Others

اوعى تكون زيهم اوعى تخون ولا اللي بينا عليك يهون مبقاش فيه دمع لسة فاضل في العيون اكون معاك او لا أكون قررت اشوفه علشان خالد الحلفاوي، وكمان كان عندي امل يديني نفس اجواء "قلبي ومفتاحه" السنة اللي فاتت. ومن اول حلقتين شفتهم ورا بعض اتأكدت إن الاحساس قريب جدا وإن ده فعلا الكومفرت زون بتاعتي. أجواء رقيقة وهادية وجميلة. بقى امتع وقت في اليوم هو وقت الحلقة دي. المسلسل مش بيجري، بس بطء الاحداث هنا مكنش عيب خالص. بالعكس، كان بيتطور حلقة عن حلقة بهدوء وثقة. فاكر إن الحلقة الرابعة كانت من أكتر الحلقات اللي عجبتني، وحسيت إنها اول استخدام حقيقي للكاست كامل. الأدوار المساندة متسكنة صح جدا. حضورهم خفيف، ومفيش حد تقيل على الشاشة. كله داخل في النغمة العامة للمسلسل. ولو في جايزة لالذ حد في موسم رمضان، فهي من غير تفكير لفدوى عابد. شخصيتها مكتوبة حلو أصلا، وهي عاملاها بحب وتفاصيل صغيرة بتخليها تسرق اي مشهد تظهر فيه. مسلسل اتبسطت بيه فعلا. بسيط، هادي، واجواءه بصراحة هتوحشني