NotNawafSma

"how can you not be romantic about baseball ?" دخلت الفلم على استعداد ان كل شي بشوفه بترجمه لقوانين وسيناريوات كرة القدم التي احب وافهم واعشق ف لذلك المتعه كانت لاتوصف وطبعا تقييمي على المتعه مو زي التقييم الباقي الرياضة الاحترافيه من اكثر الاشياء في تاريخ البشريه منذ الخلق الي فيها ادرينالين ودوبامين وكورتيزول وتيستورون ووش بعد كل انواع المشاعر والمستقبلات العصبيه في جسم الانسان الفلم شرح كل جوانبها الحلوه والقبيحه وكيفيه تاثيرها وتداخلها مع حياة الانسان الشخصيه وكيف حتى تطلع فيك جوانب ماكنت تعرفها ويبدا عقلك يتصرف بدون مايشاورك بكل كبريائه وغروره وحدسه الفني في هالرياضه المعنيه وعالملعب كل مايتصرف فيك مأتمت وتلقائي احتاج افلام رياضيه اكثر شكلي بقع في غرام التصنيف ودي اشوف فلم الكلايماكس حقه داخل الفلو زون الان الان بشغل فيفا واسوي كارير مود واعيش جو المدير لمدة الاربع ساعات القادمه واجيب الدوري الذهبي مع الاهلي تيموثي شالاميه بيقرا الريفيو طبعا ف بما انك الامريكي الوحيد الي يحب الكوره وشغال في هوليوود ارجووك اصنع فلم وراح اشبح لك طول حياتي احيانا كثيره جدا الافلام الهاديه تمثيلا واخراجا تكون في قمة الروعه بحيث انها قريبه لك كانسان حياتك مو احداث 24 س واضح اني توني متابع اربع افلام تارانتينو ؟ الزبده اداء براد من اجمل اداءته هو اول مره احسه يمثل بدون تكلف =حرق= وجانب شحصيه جوناه هيل ودخول الاحصائيات والارقام وكيف حاول يفوز فيها لكن جت الجمله باخر مباراه ان هالرياضه الي يفوز فيها هو الي يستغل ويغش ويسرق وفازوا الفريق الاحمر بعد سنتين بعد ما طبقو استراتيجيه فريق براد بيت شي رائع وواقعي كنت متوقع نهاية وردية بس صدمني ومع اغنيه بنته يالله يا قهر الرجال

والله اني عجزت اعرف والقى سبب واحد يخلي اي ادمي يحبه غير العاطفه وحب الممثلين وتارانتينو لو الاسم مخرج غيره والكاست غيره والله ان ينقبر الفلم قاعد اشوف المراجعات في لتر وفي يوتيوب وادعي القى واحد يمدح شي يخليني استوعب واقول اوه لا انا غلطان  اما ماهر موصلي يقول نقطة الاقدام النسائية تحسب لتارنتينو ؟؟؟؟  براد وليو جامدين واستمتعت بوجودهم لانهم هم ، بس الفلم خايس الكاست مرعب بشكل ، مابقى احد ماطلع ، خصوصا البنات كلهم الحين نجوم  اسوء فلم لتارنتينو شفته للان  ارتفعت امالي يوم مشهد ليو والبنت قلت اوكيه جا تارانتينو ، بعدها رجع انحاس  وما افهم ليه النهاية عظيمة؟؟ على اي اساس يعني ، جدًا جدًا جدًا عاديه  خيبه

يارب ما انسب  صراحه كان على وتر الاربعه والثلاث ونص ومازال بينهم يعني مو مره تحت ولا مره فوق متى قررت انه ثلاث ونص بسبب نهاية هانز لاندا  يعني كل هالنحكة السياسيه والرعب والدهاء اخرتها تتوقع بتمشي حركه زي ذي  سلامات اول مشهد والافتتاحيه شي ايقوني بشكل مب طبيعي ومسكني على اعصابي طول العشرين دقيقه تقريبا كانت شي رائع كريستوف والتز طبعا مايحتاج براد بيت يمديك تفهمني انك امريكي و مره قديم واقوى امريكاني في العالم بس هد شوي ياحبيبي حسيته مره مبتذل فتعابير الوجه  وهذا ياخذنا لعجزت اعرف الفلم يبيني اضحك ولا يبيني اخذه بجديه لنه الثنتين مع بعض ماتجي يرفعععع بسقف الجديه بعدين ينزززل ضحك عجزت احدد مزاجي  حوارات تارانتينو مايحتاج شي ممتع مشهد الحانه خيالي خيالي استمتعت بكل لحظه  ترانتينو الظاهر حازه بخاطره قال بغير التاريخ واعكسه بالضبط اخليه معنا يعني اكثر شي ي*ودي مهان بالحياه  بس عموما ك سينما ممتع وفلم فلم حقيقي يعني هذا الي لاحظته مع تارانتينو افلامه ممتعه بشكل كبير جدًا مايمديك تقول طفشت ابدًا  بالنسبه لي بلب فكشن وجانقو يصكونه عشره صفر

طيب واو هالفلم كان تجربه دخلت مبسوط احسبه خفيف ودخلت براسي اني باجل كلشي واختم افلام تارانتينو بما انها عشره فقط لانه حرفيا اكثر مخرج مقصر معه يعني ماشفت الا جانقو ودايم ااجل له مدري ليه ف قلت ابي اخف واحد ابدا فيه ههههههههههههه مدري كيف حكمت انه اخف واحد بس ابدا مب خفيف مليان سينما بدا بسرعه وكنت مره مبسوط لان حرفيا كل شي ايقوني كان ف اول ساعه من الفلم ف مليانه المشاهده كذا شعور ايقوني بعدين هدو وتفككت شوي وفجاه السرد بدا يوضح انه غير خطي وشد انتباههي وخلص الفلم وانا مستغرب بعدين قعدت شوي مع نفسي وكان اخر مشهد يتكلم عن التدخل الالهي والحظ ومدري وش والفلم كله اشياء مب راكبه على بعض بعدييييييين استوعبت انه (بلب فيكشن ) موجوده بالاسم حرفيا انه راح يكون كتلة غير متماسكه او هلاميه من الخيال وما كان خيال بمعنى الخيال بس انه كان يبي يوصل شي الصدق مدري وشو ههههههههه بس فيه فيه ولو عدته متاكد بيكون فايف ستار مباشرة حوارات وسردية كوينتن تفوووز قسم بالله شخصياته مليااااانه صدق وحوارته رهيبه اذكر جانقو كان اقوى نقطه فيه حواراته ومع تمثيل ليو ياساتر يعني الفلم 80% يروح سوالف بس انك تستمتع لنها مليانه وصدقيه بشكل اقسم بالله وهم يناقشون مساج الارجل اني بموت ضحك كيف احس انه انا والعيال قاعد نسولف و الاية الي يكررها كانت محور الفلم وقناعته وصراعه لين النهايه رهيبه جدا عاد ثيرمن وترافولتا ودك بس يسولفون وتتفرج بس قهرني الصدق بعض الناس يمدحونه على الاشياء الي ماهي قوة الفلم ف حسيت انه صاير اوفرريتد بسبب هالشي لو الناس ناقشوا نقاط قوته صدق كان اوكيه يعني فايف ستار والسبب؟ الرقص ايقووووووني اوكي ايقوني وممتع بس ليه العمى كذا معقوله بتتابع ساعتين ونص ما بتفهم الا الرقصه وتقول فايف ستار راح احتاج ريواتش باذن الله او شرح يوتيوب لني متاكد انا شايف اللب وكيف رهيب بس مو قادر القطه يارب اني على متمه وما انخذل