Up
احد يذكر اول ذكرى له؟ اقدم ذكرى موجودة بمخه ويتذكرها لسبب مالأني انا اذكرولو اذكرها مشوشة مرة لكن كانت كالتالي:اذكرني وانا صغير مرة .. بطيارة .. مادري وين رايح ولا ادري وش وجهتنا ولا ليه رايحين لها الا ان ماكنت اهتم اااابد لان كل اهتمامي منصب على ريموت هالشاشة بالطيارة اللي مشغل فيها هالفلم
فعليا ما اذكر ولا شي منهما اذكرني الا وانا مبسووووط مرة لان احب اركب طياااااراااات (للحين) ووجه اخوي لانه يطشم بالطيارات (برضو للحين)وملمس ازرار الريموتاذكر كانت بصمتي تبان فيه لانه لماع كان الريموت ولون السماء كان ازرق بشكل واضح. بالفلم وبالواقعمادري ليه هالازرق خصيصا ماخذ محل فذاكرتي مرة .. شيء ما اقدر افسره والشايب بعد اذكره بوضوح لأن هذا من جنت صغير جنت اضحك عليه ومن كبرت صرت مثله
موضوع الذكريات لطالما كان يثير اهتمامي ولطالما كنت ابحث عن اول ذكرى اتذكرها اللي اتضح انها ذي؟ اظن؟ والله ما ادريمادري شلون اوصف تجربتي فهالريووتشقاعد احاولاحاول اوصف شلون قدرت اعيش هالذكرى مرة ثانية ويجيني نفس هالشعور مرة ثانية بوقت كنت ولد صغير مايهمني وش ممكن يصير بكرا
كثير اشياء ماقدر افسرها عن هالفلم لكن اولها واهمها وغالبا هي سبب كتابتي للكلام اللي تقرونه الان هو ليه ما اعجبني الفلم .. مرةزي اول?ليه صارت عندي القدرة والقابلية اني ابني رأي وانقد نقد كريتيكي على هذا الفلم وافكر وش كان ممكن يسوونه احسن عشان يمكن هذاك مشهد ماعجبني ولا غلطة حبكية سريالية منطقية هناك بالقصة ولا اللي هوووووليه صرت اهتمهل معقولة صرت اللي جنت اضحك عليه ومن كبرت صرت مثله. الموضوع مبكي شويليه قعدت وقت ذهني طويل احسب حساب رياضي فيه واسأل شلون قدوة الشايب الطيار طالع للحين شباب ووشلووون طالع كنه اصغر من الشايبيعني اذا عمره 78 مب المفروض القدوة يصك الميه ??? ليه التفكير الزايدوليه بداية اول 15 دقيقة من هالفلم احسن من اي اوبنينق تابعته بأي فلم ثاني وبعدها يتحول الى زي اي فلم ورعان ثاني ??? ليه التفكير الزايدهل هو بالفعل يستاهل الاوسكار على كورالاين وفانتاستك مستر فوكس????؟؟؟؟وثم اطلع برأي بمخينتيجته هي وش فلم البزران ذاوجعمب المفروض انشغل بالريموت واضحك على اخوي لانه شوي ويطرش بطنه يوجعه دايم اذا طرنا
حتى وانا اكتب هالكلام بديت اتذكر وين كانت وجهتناكنا رايحين جدة وجع يوجع العدو ليهليه كذاليه قاعد اتذكر. ليه صرت اهتم
والله ماعرف وش اشعر حيال هالموضوع ولا ادري كم بقيمه حتى ولا ادري بوين رايح بكلامي بالضبطوالمشكلة ماظني احد بيوصل لهالحد من القراءة لأن لعلي طولت زود عن اللزوملكن لو بختار لكلامي مغزى ونهاية وشعور اشعره بختار راحة البال و.. ولا اهتمهل اهتم انه ما اعجبني مرة؟ لاهل اهتم كم بيصير عمري بكرا؟ لاهل بكون مسؤول مب زي البزر اللي كان بهالطيارة؟ ماظنما اهتم ولااقدر انقص تقييم هالفلم ابختار اقيمه 5 لان وشوله النقد تكية الفلم كانت حلوة مرة والساوندتراك احلى Isn't this what matters بنهاية المطاف?فلم up وحدة من افلامي المفضلة والسبب غير عادل مطلقًا وانحيازي جدا. شاكر ومقدر وصولكم لهالحد من القراءة. من اليوم ورايح كل ريفيوهاتي القادمة ستكون من اقلام دحوم العشريني الغير مهتم. استأذنكمبروووووب
دقيييقة عالطاري تراي سعيد مررررة اني اخترت اتابعه فهالوقت وهالتكية أول يوم عيد مباشرةً بعد صلاة العيد (كل عام وانتم بخيييير) (اكلت صانداي ماك قبل شوي) (خويكم اللي عنده تفكك اسري)وكأول فلم اخلصه وانا عشريني (سن الشيخوخة) (الشايب من كبرت صرت مثله)وكأول فلم اتابعه مدبلج تيمنًا بدحوم الصغير اللي ماكان يفهم انجليزي او يعرف يقرأ ترجمة عربيحلوة الدبلجة ترا. لفتني كيف محولين اسم البزر رسل الى رامزينفع له رامز اكثر هههههههه
تخيلتني وانا اكتب الكلام اكتبه بشكل بليغ واعمق مرة لكن خلاص ماهتم 😙 يازين راحة البالاستأذنكم خلاص صدق لأن بكرا عندي ميد وبذاكرهلان هذا اللي يسوونه الكبار اظن