Nightcrawler

‎يا اوجي ليش 5 نجوم؟؟ مبالغه؟؟ تطبيل؟؟ عاطفيه؟؟ تقدر تقول اللي تبي لكن هالفلم وتجربتي مع هيثم وبدر كانت شيء ايقوني وقمة المتعة بعد ماخلصنا الفلم حاولنا نشوف عيب فـ تجربتنا يخلينا ننقص التقييم بس ماقدرنا  هالفلم يبني التوتر بـ شخصية وتصرفات البطل لويس الغير متوقعة بتمثيل العظيم والرهيب جيك قلينهال , بالنسبة لي شخصيته كانت احد امتع الشخصيات اللي شفتها بالافلام بشكل عام, شيء فعلاً يشدني اترقب كل تصرف بيفعله وكل حركه بيسويها بالفلم وعلى طاري الاداء جيك كان اداءه مو طبيعي خلاني انسى تمامًا ان اللي قدامي ممثل لأن اللي شفته قدامي هو شخص حقيقي وشخصية مُتقنه فعلاًنبرة صوته وبروده وجميع حوارته مع جميع الشخصيات كانت رائعة والحوارات بالتحديد اللي يميز شخصية لويس مو بس تصرفاته بل حتى حواراته ايقونية فعلاً, الحوارات كانت اسلوب رهيب لـ تقديم أفكاره ودوافعه وشخصيته ونظرته عن الحياة وعن شغله بشكل عام وكانت تجسيد للأفكار الرأسمالية القذرة  واكثر شيء اتمنى انصفه فعلاً هو الإخراج لأن دان اللي اعتقد ماعنده فلم غير هالفلم عرف كيف يوازن بالتوتر بشكل اقل مايُقال عنه رهيب، حتى المشاهد الهادية عرف كيف يدخل فيها حوارات رهيبة وهالشيء هو اللي خلى رتم الفلم تاريخي صدق وممتع 5 نجوم مستحقه ⭐️⭐️⭐️⭐️⭐️