Capernaum

حسبي الله على كل أحد يخلف عيال وهو مو قد المسؤولية. الفلم وجع قلبي بكل مشهد، حسيت بضيقة حرفيًا خلتني كل عشر دقايق أوقف وأمشي بالغرفة عشان أقدر أرجع أكمل. ما قدرت أتابعه متواصل… لأنه مؤلم، لأنه حقيقي. الفلم واقعي بشكل يقهر. فعليًا هذا واقع كثير من الأطفال… أطفال المفروض يكون همهم اللعب والدراسة، مو مواجهة الحياة وهم لسه ما عرفوا معنى الطفولة. ليش يسلبون براءتهم؟ ليش يحملونهم ذنب ما لهم علاقة فيه؟ تمثيل الطفل جامد بطريقة تخليك تنسى إنك تشوف تمثيل، تحس فعلاً إنك قاعد تطالع معاناة طفل حقيقي، من نظراته، نبرة صوته، وحتى سكوته. آخر لقطة يوم الطفل ابتسم كانت اكثر لقطه صحت فيها قسم بالله ابتسامته كسرتني. ابتسامة تقول “أنا لسه حي” لكنها ما تخفي كل التعب اللي في قلبه. “بدي قاضي أهلي لأن خلفوني”