Almost Famous

خلصت الفلم و اقدر اقول انه كان واحد من افضل الاشياء الي تابعتها في حياتي أجمل ساعتين و اربعين دقيقة مرت علي قصة الفلم كانت اسطورية تسلسل الأحداث كان سريع بشكل جدا ممتع حتى ما تحس ان الفلم ساعتين احداث الفلم كانت جميلة جدا مافي احداث كانت سيئة حرفيا ما شفت اي حدث بالفلم كان سيء او ممل  شخصيات الفلم كانت رهيبة على كثر الشخصيات الي كانت موجودة كل واحد فيهم يقول انا احسن من الثاني حرفيا ما كان فيه شخصية كانت سيئة او مستفزة ولا ما عجبتني كلهم كانو رهيبن  اجواء الفلم كانت فوق الخيال انا تعجبني اجواء الافلام القديمة الي كذا تعطيني شعور حلو كني ودي اعيش معهم الأجواء لحالها بالنسبة لي ترفع التقييم و يمكن اسوي مراجعة لحالها عن الأجواء الي بالفلم موسيقى الفلم  كانت رهيبة مع اني ما احب الروك كثير لكن الموسيقى الي كانت موجودة كانت شي لا يوصف حتى موسيقى النهاية كانت رهيبة ما عندي مشكلة اعيد موسيقى النهاية لحالها من كثر ما هي حلوة  التمثيل بالفلم كان جيد جدا الصراحة اشوفهم كلهم بدعو و اكيد أفضلهم كانو كيت هدسون و بيلي كرودوب و باتريك قوجيت و باقي الممثلين اشوفهم كانو ممتازين  نهاية الفلم أشوفهآ بالنسبة لي النهاية المتكاملة صراحة كنت احاول ما اتوقع النهاية عشان ما تخرب علي المتعة لكن جات نهاية احسن من الي في بالي  اتوقع انه ما عندي مشكله اعيد الفلم اكثر من مره اتوقع بستمتع أكثر بسبب الشخصيات و الأجواء  بالنهاية شكرا كاميرون كرو على هذي التحفه الفنية  This is cinemaaaaaaaaaaaa