Babylon
خلصت الفلم و اقدر اقول انا تابعت افضل فلم في التاريخ الفلم هذا كان عندي في الواتش ليست من زمان و كل ما ابي اجي اشوفه اقول بعدين و لكن جاء اليوم الي تابعته و كان افضل يوم في حياتي
قصة الفلم كانت اسطورية الفلم يركز على ثلاث شخصيات الي هم ماني و نيلي وجاك هم أشخاص طموحين في الافلام القصة كانت اسطورية تسلسل الأحداث و الأحداث نفسها كانت شي لا يوصف من الجمال
اجواء الفلم كانت ارهب شي فيه من بدايته يشدك انك تتابعه من دون ما توقف حرفيا واحد من افضل الافلام الي يعطيك اجواء و مناظر زي كذا وفيه مناظر للفلم حسيتها متعة بصرية من كثر الجمال الي شفته
الأداة التمثيلي حرفيا ما شفت منهم ولا غلطة و اكيد خصوصا براد بيت و مارغوت روبي و دييغو كالفا قدموا اداة جبار بمعنى فيه الكلمة و خصوصا مارغوت روبي اتوقع قدمت واحد من افضل الأداة السينمائي الي شفته في حياتي و اتوقع في تاريخها كامل انا مصدوم انها ما فازت بأي أوسكار على الأداة الي قدمته بالفلم
الموسيقى بالفلم كانت شي جبار شي لا يوصف من الجمال مع انه مو فلم موسيقي الا انه الموسيقى حقته تنافس افلام موسيقية كثير و خصوصا موسيقى النهاية كانت خيالية ما عندي مشكلة اسمعها كا أغنية لحالها من كثر مهي جميلة
فيه لقطات بالفلم عبارة عن صدمة ما ودي أتكلم عنها عشان ما احرق الفلم للبعض لكن حرفيا لقطات تجيك صدمة غريبة منهاالفلم من اول عشرة دقائق عرف يخليني اطفش و انا اقدر هذي الافلام الي تسوي كذا حرفيا حدث ورا حدث ما يخليك تتنفس حتى ما يمديك تتوقع وش بيصير فيه وهذا الشي خلاني احب الفلم اكثر و اكثر
و كمان الشي الي ابهرني بالفلم الممثلين الجانبيين صدموني من قوة تمثيلهم مع أنهم ممثلين جانبيين لكن قدموا اداة فوق الممتاز جميعهم شخصيات الفلم على كثرهم الا انه مافي ولا وحدة كانت سيئة او مستفزه او حسيت نفسي ما حبيتها مره حرفيا كلهم كانوا أساطير
تصنيف الفلم هو دراما و كوميديا لكن صدقوني حسيتها اكثر من كذا بكثير الكوميديا بالفلم كانت حلوة النكات كانت جيدة و الدراما الي فيه كانت خارقة بالنسبة لي الفلم ابدع جدا من ناحية الدراما
نهاية الفلم اشوفها النهاية المتكاملة بالنسبة لي ما كانت فيها اي سلبية وحدة و حاول انك تتوقع النهاية عشان ما يخرب عليك شوي من متعة الفلم نفسه
الفلم اشوفه متكامل من جميع النواحي من ناحية التصوير و زوايا التصوير نفسها و الموسيقى و التمثيل و الأجواء و الإخراج نفسه شي تاريخي
بالنهاية اشوف هذا الفلم هو الفلم المتكامل بالنسبة لي و شكرا داميان شازيل على صنع الفلم الأكمل بالتاريخ بالنسبة لي وشكرا ايضاً على صنع فلم ويبلاش
This is a fucking cinemaaaaaaaa