Prisoners
يا اخوان انا اي فلم اتابعه اعطيه خمس نجوم ؟؟ لكن اقدر أقولها هذا الفلم يستحق مو بس خمس نجوم لو فيه عشرة كان عطيته
الفلم قدم غموض و دراما بشكل جدا مميز ما اقدر اوصفه الإخراج في هذا الفلم شي كان رهيب اصفق لهم على الإخراج الصراحة
قصة الفلم عن اب فقد ابنته و يحاول محقق مثابر ايجاد بنته قصة كانت اسطورية بشكل و احداث كانت مره رهيبة و التسلسل حقها و بناء الشخصيات حقها كان شي لا يوصف ما حسيت بأية ملل من يوم ما بديته مع انه الفلم مافيه احداث مره قوية في البداية لكن كانت شي اسطوري مره
التمثيل بالفلم كان ولا غلطة من جميع الممثلين و خصوصا اكيد هيو جاكمان انا اشوفه قدم أداة للتاريخ في هذا الفلم و ابدع الممثل جيك جيلنهال في دور المحقق و لكن انا اقدر اقول انه هيو جاكمان انه يمكن مثل افضل اداة في تاريخه يمكن
اجواء الفلم كانت مميزة جدا من ناحية الغموض و السوداوية الي فيها اجواء كنت امل منها زمان لكن انا اشوفها اكثر اجواء احبها في الافلام الحين اجواء تخليك تتابع الفلم عشانها من كثر مهي رهيبة ابدعوا جدا من ناحيتها
الموسيقى بالفلم كانت جيدة جدا ما اشوفها افضل شي لكن كانت جيدة هو فلم غموض و سوداوية ما اتوقع اني كنت متوقع موسيقى بتكون اسطورية لكن مجملاً كانت جيدة
نهاية الفلم كانت جدا ممتعة بالنسبة لي نهاية انا اشوفها كانت متكاملة جدا خصوصا احداث النهاية يا الله الصدمة الي جتني منها ما اودي اتكلم عنها عشان ما احرق الفلم للبعض لكن حرفيا انصدمت من بداية الفلم الين ما خلص و انا في حالة ذهول من الي شفته
و اعيد كلامي مره ثانيه الفلم جدا تميز من ناحية الغموض و السوداوية و الدراما الي فيه و يمكن واحد من افضل الافلام الي عرف كيف يسويها بشكل جدا ممتاز
Another absolute cinemaaaaaaaaaa