Incendies
Un plus un, ça fait un ?
واحد زائد واحد، يساوي واحد؟
يا عيالللل وش ذا الجنون!?!?!?!!!!!!?!?أنا خلصت الفيلم وانا للحين مصدوم والله في خصوصا اللقطة الأخيرة يدي ترجف وانا اطالع الشاشة والله ما اكذب موب مستوعب اللي صار ما اقدر احرق بس اللي شاف يعرف الصدمة اللي تجيك في آخر دقايق شيء ما ينوصف أبدًا
الفيلم يبدأ بشي بسيط أم تموت وتخلي وصية لعيالها تقول لهم روحوا دوروا على اخوكم وعطوه رسالة وبس كذا؟ لا يا حبيبي من هنا تبدأ رحلة جحيم حرفيًا وحدة من أظلم القصص اللي شفتها بس اللي يميز الفيلم إنه ما يقولك كل شيء على طول يخليك تجمع القطع بنفسك وكل مشهد يكشف لك طبقة جديدة من الألم والواقع اللي عاشته الأم
الاخراج هادي وبارد بس مو بارد بمعنى ممل بارد بمعنى يقص لك المأساة بدون ما يصارخ في وجهك يخليك تغرق فيها على هدوء وكل مشهد يترك أثر ثقيل خصوصًا المقاطع اللي ترجع للماضي حسيت نفسي أنا اللي عايش وسط الحرب والخراب والتناقضات
النهاية؟ النهاية لحالها تكفي تخلي الفيلم هذا ينحط مع أعظم النهايات في تاريخ السينما الصدمة اللي تجيك في آخر مشهد ممكن تخليك تعيد الفيلم من جديد وانت تحلل كل شيء شفته قبل وتحاول تفهم كيف وصلنا لهنا
وتبيني أكون واضح؟ الفيلم هذا يستاهل يدخل قائمة أفضل خمسين فيلم بدون نقاش لأنه مو بس قصة ولا بس إخراج هو وجع إنساني مكتوب بعظمة ومصور بعبقرية ويتركك تفكر في كل شيء من جديد
والله عظمه