Persona

أحيانًا الإنسان ما يسكت لأنه ما عنده شي يقوله يسكت لأنه قال أكثر من اللازم إليزابيث فوغلر الممثلة اللي فجأة قررت ما تتكلم مو لأنها فقدت صوتها بس لأنها فقدت المعنى فيلم بيرسونا ما يعطيك أجوبة يعطيك مرايا ألما الممرضة اللي جت تعتني فيها صارت تنجرف شوي شوي في عالم غريب كأنه مو بس عن إليزابيث كأنه عن نفسها بعد العلاقة اللي بينهم ما نعرف وش هي بالضبط هل هم صديقتين خصمين نفس الشخص برغمان ما يهتم نقول وش القصة لأنه ما فيه قصة واضحة فيه وجوه أقنعة ذنب رغبة خوف كأن الفيلم كله حلم أو كابوس عن امرأة تنفصل عن نفسها عن اثنين يعيشون في جسد واحد أحيانًا تشوف إن ألما بس ممرضة عادية وأحيانًا تحس إنها مجرد قناع تلبسه إليزابيث عشان تهرب من الحقيقة فيه لحظة تصير في الفيلم الكاميرا تقسم الوجهين وتدمجهم في واحد هاللحظة تختصر كل شي ما عاد تفرق من هو من القناع طاح بس ما بان الوجه لأن الوجه نفسه صار غريب حتى الطفل اللي نشوفه في أول اللقطات يمكن يكون ابنها أو ذنبها أو هي وهي صغيرة كل شي رمزي لكن الرمزية مو مقفلة تقدر تشوفها من ألف زاوية يمكن الفيلم عن الاكتئاب يمكن عن الذنب يمكن عن كونك امرأة في عالم يطلب منك دايم تكوني شي محدد بيرسونا فيلم عن الصمت بس أكثر فيلم يصرخ من دون ما يقول شي كل ما تشوفه يترك أثر جديديخلّيك ترجع لنفسك وتسأل أنا مين فعلًا وكم قناع أنا لابس