We Are All Trying Here

يااااااا افضل ما تابعت ما خلص باقي اليوم تنزل آخر حلقه لكن اقدر أقول انه يستاهل الخمسه من الحين ويستاهل أحطه بالتوب فور بس بشوف لي ضحيه استبدلها فيه… دايم معتقدي عن العلاقات أنها ما تسوي شي غير انها تتعب صحتك النفسيه لكن هم اثبتو العكس متى يتزوجون ويتبنوني والله حالتي صعبه. تعرفون الأعمال الي تخليك مستحيل تكره شخصيه يب هذا واحد منهم مهما كانت الشخصيه مخيسه الحبكه تبين لك ان ورا كل واحد قصته وأكبر مثال البطل مجسدينه على هيئه الحسود الطفولي الي يغار من نجاح الناس ويركز عليهم بدال مايركز على نفسه وباقي محبوب وحرفيا هذه نقطه الكاتبه احب الأعمال الي تبين لك عيوب البطل بدال ما تخليه الوحيد الطيب والي حوله اشرار. كل شخصيه بهالعمل مستعده اكتب عنها جرايد وبعد من افضل الأشياء أنهم مب مركزين على علاقه الأبطال اكثر من قصه كل واحد فيهم وايش مرو فيه ليصبحو ما هم عليه. خلاني احس بأكثر من شعور مختلف وما امزح يوم أقول خلاني ابكي واضحك بنفس الحلقه. بديت أتابعه من اول حلقه وصرت أفضّل الأحد والسبت لفتره بسببهم. افضل مسلسل فيك يا ٢٠٢٦