The Florida Project
أكثر شي يميز The Florida Project هي طريقة عرض وتركيبة الفلم. بدون سرد قصصي تقليدي، الفلم يتجول بدون قيود قصصية معيّنة عشان يفتح عيونك على الناس اللي ساكنين في فنادق رخيصة في مكان يُعتبر “أسعد مكان في العالم” عايشين ومتعايشين. مشاهد تخليك مندهش بطريقة عيش الشخصيات وكيف يتواصلون مع بعض، ومشاهد تخليك مصدوم من تصرفات الأطفال وطريقة كلامهم. باختصار، فلم ما يركّز على الحبكة، وهذا اللي شدني وخلاني أستمتع فيه أكثر.
في مقابلة مع مخرج الفلم Sean Baker، صرّح إن الإلهام جاه من سلسلة كوميدية بدأت في العشرينات والثلاثينات (Our Gang)، وعلى كلام المخرج، السلسلة كانت عبارة عن قصص هزلية ضد الكساد العظيم، وعلى الرغم من الحياة القاسية اللي خاضوها الأطفال في السلسلة، إلا إنه تم تصوير الأطفال بطريقة مرحة ومبهجة. وهذا الشي نلاحظ شبيهه في الفلم، كيف تم تصوير الأطفال وهم يلعبون ويتجولون، والأشياء اللي يقولونها ويسوّونها بطريقة عفوية.