Barbie

الفيلم رجعني لأيام الطفولة وشعور اني اشوف فيلم وانبهر فيه لدرجة انه شاغل تفكيري لساعات طويلة من بعد ماشفته وهذا بسبب الأجواء وطريقة ترتيب المشاهد الي حسيت فيها كأني اشوف فيلم في بداية الالفينات. ما اتذكر متى اخر مره ضحكت مثل ماضحكت في باربي من مواقف تصير للشخصيات ونكت وحوارات خلتني مبتسم طول الوقت وخصوصاً من ريان غوسلينق. بعيداً عن ان أساس الفكرة في الفيلم النسوية والتقليل من الرجال وفيه لقطه زودوها شوي فيها لكن كنت عارف عن هذا الشيء قبل لا أشوفه وحاولت اني ما افكر فيه طول مشاهدتي له، صحيح هذا مايعني ان هذا الشيء صار غير موجود ولكن غالبية افلام هوليوود اخر السنين فيها نفس هذي الافكار واخس ولكن الشكوى لله.وبالنسبة للتمثيل، ريان غوسلينق بالنسبة لي قدم أفضل أداء في الفيلم وأشوفه يستاهل الترشيح للأوسكار والفوز بعد ليش لا، وبعده على طول تجي مارغو روبي الي ماقصرت ولكن قوه الاداء كانت في مشاهد كثيرة ولكن مب في كل مشهد لها في الفيلم.  ممكن جداً كثير يشوفون الفيلم وينزعجون من سالفة النسوية الزايدة لكن بكل بساطة اذا تبي تستمتع شوفه وتجاهل الموضوع السخيف هذا او انك من البداية لاتشوف الفيلم وريح نفسك.وفي النهاية كلها آراء وبالنسبة لي عجبني جداً الفيلم وأعتبره أفضل افلام سنة 2023 لحد ألان.