A Clockwork Orange

يا كيوبريك وش سويت بالعالم يا ستاينلي الفيلم ايقوني وكيوبريك معروف باسلوبه الغريب وكيف يوصل لنا افكاره وكيف يستخدم الموسيقى وكيف يعبر فيها عن الوضع الي موجودة فيه وايش معناها الحقيقي وليش وكيف اخترعت هالمعزوفة .  مثل ما هو معروف باسلوبه الغريب ايضا معروف بقوة افلامه وكيف هي تجسد الواقع المؤلم والعنيف في هالحياة واللي يفضح فيه الحكومات ويبين الفساد فيها . الفيلم جدا خرافي وجميل ويحمل الف معنى بكل مشهد ، ايضا الفيلم جدا غريب بشكل مجنون ومليان مشاهد غريبة ومليان مشاهد قذرة . الفيلم يجيبلك شخص وحش وشرير وبعدين يصيروا يعذبوه الناس الي عذبهم ولكنك ما تقدر انك ما تتعاطف معاه وبتستنكر افعال الناس معاه . اصلا اسم الفيلم يشرحه بالكامل ومعناه البرتقالة الالية واللي ترمز للبرتقالة الي هي من صنع اله وحرة ولها اختيارتها ، وكيف يخلوها الية ويتحكموا فيها بكل الطرق ويبطل عندها خيار سواء شرير او كويس . سلبية الفيلم الوحيدة واللي منعته من العشرة هو سوء مشاهد القتال والدم . حرفيا مشاهد ساذجة والدم لونه وردي وباين مو حقيقي ابدا والتمثيل نفسه فاللقطات العنيفة سيء بصراحة ولكن هذا شي ممكن تتقبله لانه الفيلم نزل ب١٩٧١ نقطة اخرى غريبة شوي😅، طول وقتي كنت احسب الي بالبوستر بنت بس طلع ولد الفيلم ايقوني وعظيم لو اجلس اتكلم عنه من اليوم لبكرا مستحيل اخلص لانه شي عظيم ومليان معاني غامضة ومريبة . الفيلم مليان لقطات عنيفة ومؤلمة وقذرة فما انصح الجميع بمتابعته .