The Hunt

الفلم مبدئيا عظيم أشياء عجبتني: ١-السينماتوحرافي سينماتوجرافي الفلم عجبتني بسيطة مثل بساطة المكان الي ديصير بيه الفلم وأحيانا تكون الوان دافئة هيج كلش حلو يصير وبسيط. ٢-التصوير زوايا التصوير عجبتني يركزون بتفاصيل الوجه ومرات يعرضون المشهد من اكثر من منظر يخليك تحس هيج الفلم حقيقي اكثر ٣-التمثيل التمثيل عظيم هذا اول فلم او عمل عموما اشوفه لمادس وتمثيله كلش عظيم.كذلك تمثيل الباقين كل واحد حسيت تمثيله قوي ويمثل الشخصية الي ديتقصمها.لان الفلم هوة عبارة عن مربي بحضانة فجأة انلزك بيه اتهام تحرش باطفال دون دليل فيعني بين المصدق والممصدك وبين الي مصدك بس ميريد يصدك وعموما التعامل وياه بالشارع مثلا كلش زين مثلوه لان صار منبوذ محد يريد يتعامل وياه مرات حتى يأذوه بس شلون اكولها يعني ميكدرون كليا لان فعليا ماكو دليل قاطع.تمثيل الطفلة همين كلش زين يعني فعليا دتمثل طفلة كذبت كذبة صغيرة الكل صدكها لان الأطفال ميكذبون ووراها صارت مشتتة بين انو مرات تكول جان جذب ومرات بسبب تعامل المجتمع وياها انو هذا الكلام تكوله لان خجولة صارت نوعا ما مقتنعة بفترات من الفلم لان بالنهاية طفلة تقتنع باي شي يكرروه الها. ٤-القصة القصة حلوة ومثيرة للاهتمام يعني تخيل مربي أطفال بحضانة حصل حبيبة وحيفوز بحضانة ابنه فجأة تنلزك بيه تهمة تحرش من كذبة طفلة وحتشوف شلون تعامل المجتمع وياها وهو شلون يتعامل ٥-الفكرة او الرسالة الي افتهمته اعتقد الفكرة عن المجتمع وشلون يتعامل وية اي شائعة انو رأسا يصدكوها بدون اسباب كافية حتى لو كانت الإشاعة هي كذبة طفلة زعلانة منه.كذلك شلون تأثير المجتمع على الأطفال اي شي يشوفوه او يسمعوه يتاثرون بيه.كذلك اعتقد اكو تأثير الفراشة انو الطفلة زعلت فصار كل هذا بالفلم.كذلك المجتمع يسوي أشياء سيئة بحجة انتقام من شخص المفروض سيء حتى لو ما متأكدين ٦-لو شفنا القصة من منظور ثاني حنشوف طفلة تشتكي من تحرش مربيها بيها بالحضانة مهما كان متكدر تكذب الطفلة حتى مو ماكو دليل وحتى لو جان هذا صديقك من زمان فهذا شيء كلش قوي يبين انو المجتمع بالفلم يمثلنة احنا باختلافاتنا سواء كنا مصدكين تماما او مرتبكين وممصدكين يعني الفلم ما يصور المجتمع كمجرمين ٧-الفلم مؤثر،مؤثرات مؤثر يعني صراحة دمعت شويييية ٧-النهاية(حرق) النهاية كلش عجبتني رغم ان الطفلة كالت هاي جان كلام فارغ المجتمع ما تقبله كليا.شفنا الحفلة وشلون جان تقريبا منسجم وياهم وراها الطلقة الي جتي بالصيد تبين انو السمعة اذا خربت بعد ما تتصلح بشكل تام حتى لو جانت مجرد كذبة اشياء معجبتني:صراحة ماكو هواي شغلات معجبتني الفلم عظيم.ممكن المونتاج شوية مو احسن شي مرات يقطع بنص اللقطة ويرجع مو بأحسن طريقة،مو كلش مو زين مو احسن شي. ممكن كان يقدرون يستخدمون ساوندتراكات اكثر. بشكل عام فلم عظيم