Hamnet

من زمان ماشفت فلم عليه ضجّه في السينما ومب اونلاين  الفلم انصدمت يوم وصلت نصه الثاني انه قصة شكسبير ! والله انصدمت وماكنت ادري وحبيت عامل المفاجأه في تجربتي هذي وفرق معي لان حرفيا ما انقال اسمه الا باخر نص ساعه ، وهذا الشي حط في راسي اسأله كثير  هل الفن ، هل المعنى ، هل الجوهر الابداعي ينولد دائمًا من رحم المعاناة ؟ هل كل من ابدع ابداع يلامس اجيال وناس من مختلف العالم يكون عاش تجربة فريدة من نوعها خلقت هالابداع الملموس من عبر كل القارات والمحيطات ؟  شي مرعب قاعد افكر بالمبدعين ابداع ( عالمي ) هل معقوله كلهم عانوا وحوروا معاناتهم لافضل مخرجاتهم الفنية ، ولا فيه فن من اصل فن وفقط بدون خلفية تعيسة  فيه شعر بدون قصه وراه ؟ فيه اغنيه بدون مشاعر وراها ؟ فيه رسمه بدون مصدر الهام وراها ؟ سؤال عجيب وللحين مالقيت اجابة مقنعه ١٠٠٪؜  بداية الفلم قال وليام كلمة : انا لا اجيد التحدث مع البشر ، هذا طبعي  وفي النهاية اخرج أبدع وأجمل حديث وشعر فيه معاني وصلت كل هالبشر الي مايقدر يكلمهم ، بعض التواصل يكون بطريقة غير الحديث المباشر وما اجمله من تواصل  شوفو كيف راضى زوجته وعبر لها عن اهتمامه بهالفن الي قدمه الي جمّع فقير ونبيل ومختلف الناس مع البعض وشد اهتمامهم لنقطة وحده بس ، عموما راضى زوجته كذا وراها كذا عبر لها كذا حبّها كذا  عمره ماكان يسولف زين ولا حتى يفعل زين لين شكت في حبه وتقديره لها ولعيالهم ، بس عبّر لها بطريقته الي هو الافضل فيها ، ياااااه  تمثيل هامنيت ودي انه كان يطلع بكل فريم بالفلم من كثر ماهو مبدع هالبزر !!! ، العموم مبدع هذا من اقوى الكاستات تمثيلًا مبدعين بشكل مب طبيعي ، البزر البزر ياعالم هامنيت مبدعععععععععععععع  يستحق المتابعه وجدًا