انا شوفت نصه بس لحد دلوقتي. مش عارفه اتبعه اوى عشان ورايا مذاكره كتيره مش عارفه المها
التصور حلو و السناريو متماسك ،ومشاهد القصف كانت شبه اللي بيحصل في القطاع لدرجة كبيرة، فالصراحة مستواه متميز. لكن في نفس الوقت المسلسل كئيب اوى اوى اوى كل شوية كنت بلاقي نفسى بعيط من كتر التأثر، و مؤلم جدا.
مع إن المسلسل ما عرضش كل الجرايم الصهاينه عملوها، ربنا ينتقم منهم يارب، إلا إن المشاهد القليلة اللي اتعرضت كانت صعبة و قاسية كفاية إنها توصل الإحساس بالمعاناة. يمكن ده جزء من قوة المسلسل، إنه قدر
يوصل الألم من غير ما يعرض كل التفاصيل
شوفت تعليقات على المسلسل بتقول انه بيستغل القضية بغرض الشهرة أو
عشان يسلط الضوء على المساعدات المصرية.الصراحة انا مش مقتنعة بالكلام ده، أنا شايفة المسلسل وسيلة مؤثرة لنشر الوعي اكتر عن القضية، خصوصا ان في ناس كتير مش بتابع الأخبار بشكل مستمر وبردو يمكن يزود من معلومات طفل او مراهق ميعرفوش حاجة عن القضية
كمان حسيت ان نزول المسلسل في رمضان كانت فكرة ذكية وممتازة لأن اغلب الناس بتكون بتابع مسلسلات في الوقت ده،فبالتالي الرسالة بتوصل لشريحة اكبر من الجمهور. مع ان المفروض الوعي عن القضية يكون منتشر من زمان أصلا. كفايه ان ده اول مسلسل يتكلم عن القضية بعد ٧ اكتوبر (تقريبا).
أتمنى المسلسل يكون على قد توقعاتي و ميخيبش ظني .
اسفه جدا الكتابة مش احسن حاجة مش متعوده اكتب ريڤيو بالعربي.
