Amélie
الحب .
فيلم رايق وجميل وممتع وغريب بنفس الوقت . فيلم حلو وما عندي مشكلة اعيده عشرين مرة لانه مليان اشياء حلوة .
نجمة كاملة من الاربع نجوم ونص هم على التصوير والموسيقى . التصوير رهيب وجميل جدا ومستحيل يقولك قصة بالفيلم الا ويصورلك هية وتشوفها وتندمج معها ، طبعا هذا غير الالوان الرهيبة والي ميزت هالفيلم بصراحة . الموسيقى حكاية ثانية والله . الموسيقى في الفيلم شي جدا جدا جميل ومريح والموسيقى حلوة واختيارها مناسب جدا والمخرج عرف يزبطها مع جو المشهد وكيف يتحكم فيها وفي المؤثرات الجانبية وكيف يدمجهم والله شي رهيب رهيب . الموسيقى حلوة واسمعها من قبل الفيلم جميلة جميلة جمييييلة .
الفيلم بشكل عام غريب شويتين وممكن كثير ما يعجبهم ولكن رسالته حلوة وواضحة ويتكلم عن بنت انطوائية اكتشفت شي غريب بييتها وودته لصاحبه وشافت ردة فعله وتأثرت فيه ومن بعدها وهي تسوي خير للجميع وتأثر بحياة الكل ايجابًا . الفيلم علمك درس وهو انه وانت بطريقك وانت تغير حياة الناس لا تنسى انك تغير حياتك .
بناء شخصية ايميلي كان رهيب وحلو ومتناسق مرة ويورينا كيف تصير معاها اشياء حلوة واشياء منحوسة وشي شي رهيب .
بالمناسبة البنت جميلة جدا بالفيلم والله وشخصيا خقيت عليها وكنت ابتسم كل ما هي تبتسم بالفيلم لانه ابتسامتها لطيفة وحلوة والله 😅.
الفيلم جميل وطيب وغريييييب هذا اكثر شي اقدر اوصفه فيه . فيلم فرنسي بسيط وما بتحس بالوقت وانت تتابعه وانصح الناس الي تحب الموسيقى والسينيماتوغروفي والالوان تتابعه لانه الفيلم ابدع ابدع في هالمجالات .