9-cu və son sezon. Sezon özü 3.5-4-lük olaraq irəliləyirdi, lakin o 51 dəqiqəlik son bölüm... Tam olaraq bir şahəsər idi. Sevdiyim obrazların geri qayıtması, ucu açıq qalan sualların cavablandırılması tək təlimə ilə möhtəşəm idi. Açıq ara ən sevdiyim ilk 3 bölüm arasına girdi. Sezonda fərqli olan şeylərdən biri məhz belgesel teamini görməyimiz idi. O hissələr, məncə, çox xoş olmuşdu. Və az qala 10 il gözləməkləri qəribə idi orası heç. Sonda seçdiyim editləri bəyənərsiz ümidvaram.
Ümumi fikirlərim:
Nəhayət bu serialı da bitirə bildim. İlk dəfə bu qədər uzun serial izləyirəm açığı. Normalda seriallardansa, filmləri daha çox üstün tutan biriyəm. Amma The Office fərqli oldu və ilk sitcomum məhz budur. Ofis mühiti ilə bağlı film və seriallar mənim sevdiyim film/serial tiplərindəndir deyərdim. O xaotik, həm də realist tərəf məni məndən alır. Burada absürdlük çox idi, amma çox sarma səbəbi də elə bu idi.
The Office-i bu qədər fərqli qılan başqa nə oldu deyə soruşa bilərsiz. Məncə, obrazların reallığı ola bilər. Bu obrazlardan bəziləri uc nöqtələrdə yazılsa da, ümumilikdə çox "normal" obrazlar idi. Bir çoxunda siz özünüzdən bir parça görə bilərsiz. Bu da yüksək empatiya hissi yaradır izləyicidə. Özümü ən çox gördüyüm 3 obrazı və səbəblərini qeyd edəcəm. Bəli bu hissə bir az şəxsi təsvir ehtiva edəcək.
1. Jim Halpert- mənim serial boyunca ən çox sevdiyim personaj oldu bir çox səbəbə görə. Əvvəla ikimizin də qəribə mimikaları olur və bunu idarə edə bilmirik. Onun situasiyalarda ən məntiqli həlli axtarmağa çalışması, insani və yaxın əlaqələrdə əlindən gələni etməsi, məsləhətlərdə əla olması, sevgisinin çox saf olması onu mənə yaxın edən başlıca səbəblərdir.
2. Michael Scott- Açıq danışım ki, bu obraz ilk sezonlarda əsəb olduğum obrazlardandır. Lakin zaman keçdikcə bu obrazı sevməyə və qəribə bir formada bağlanmağa başladım. Michael haqqında bir məqalə hazırlanıbmı bilmirəm, hazırlanmayıbsa biri əl atmalıdır bu işə. Michael çox bəsit bir personaj kimi görünür, ta ki siz onun dərinliyinə fikir verənə kimi. Michael insanlar onunla yaxın olsun və yaxşı hiss etsinlər, onlarla daha çox vaxt keçirəcək deyə özünü heç sayır, elə bil bunun heç dəyəri də yoxdur. Ona görə də bəzən özünü alçaldırdı, sərhəd qoymurdu, hətta hörmətini itirməyi belə qəbul edirdi. İnsanlara ailə hissini yaşatmaq istəyir, amma bunun qarşılığını görmür. Michael insanlara da çox tez bağlanır və elə bağlanandan sonra da özündən çox onlara dəyər verir. Ümid edirəm ki, Michael sonradan özünün dəyərini kəşf edər və istəmədiyi hərəkətləri sərgiləməz. Sən gedəndən sonra The Office əvvəlki kimi olmadı, Michael😔
3. Pam Halpert- Bu obrazın Jim ilə olan münasibətinə toxunmayacam. Məni özünə çəkən xüsusiyyəti onun sənətə olan sevgisi oldu. Və ikimiz də həyatın realistiyi ilə toqquşub öz xəyallarımızdan və sevgimizdən əl çəkməli oluruq.
Hər zaman üzümdə gülümsəmə yaradacaq bir serial oldu The Office. Məni sizlərdən biri kimi hiss etdirdiyiniz üçün təşəkkürlər, The Office.
Ən sevdiyim Jim editlərindən biriJimin ən sevdiyim məsləhəti olan səhnəƏn sevdiyim Michael editlərindən biriPam olan ən sevdiyim editlərdən biriƏn sevdiyim Pam və Dwight dostluq editi
