Shameless

1-ci sezon 11 sezonluq "Həyasız" serialına başlamaqda ayrı axot istəyir e. Bu serialı mənə Nailə tövsiyə gördü. Onsuz da bir ara göz atmaq niyyətim varıydı. Keçən dəfə tiktokda "You are my mother too" editini görəndən sonra dedim ki, tamam izləmə zamanı gəlib. Ümumən serial çox pis və narahat hiss etdirir bir çox səbəbə görə. Buna baxmayaraq sarır izləmək. Mən serialları iş görə-görə izləyirəm deyə türk dilində izləməli oluram məcbur o bir az keyfiyyəti aşağı salır deyəsən😔 VƏ NAİLƏ MƏNİ BƏNZƏTDİYİN OBRAZA LƏNƏT OLSUN!!! İlğımdakı dərvişin nəsihəti Aldatmaca dolu yaşamda Tuta da bilmərəm anında Axan günlərin görünməz dəyərini Ala bilmədim qarşılığını səyimin Eyləmərəm ah-nalə o xatirələrə Kilsədə şam yandırım bizlərə Əzildim altında həyat yükünün Ola bilmədim parçası bir sürünün Təcridlərdən ibarət dünyanın Nifrətini aldım mən də axının Gülən sifətlərin saxtalığından, İyrəndim onların yalançılığından Tanrım, yenə sənə gələrəm Qurtar məni bu səmimiyyətsizlərdən Sadəcə sirrimi də sənə deyərəm Tapım aidliyi birində evlərdən Tutmadı bizlərdə əl əli Görmədi də göz gözü Varmıdır fərqim bir ruhdan Başqa nəfəs alan bədəndən Salınmazdı nəzər dərinə Yaramazlar dərd-sərinə Keçib gələr yorğun dərviş Deyər: "Güvənmə, oğul, sən bir kəsə Ricasız eyləmə tək bir insanlıq Deyərlər istənmədi səndən tək bir zərrə Salma öz dəyərini bir kərə Tapdanma sən dəfələrlə Görmədim sən qədər aciz bəndə Yaxşılıq deyil, acizlikdir səndə Necə görməzsən sevməzlər səni Nəql edərlər "eyləməz başqa şey sıxar bizi" Bilərlər durarsan səssiz Ötüşər günləri sənsiz Sənsə gözləyərsən şüursuzca Qırılar qəlbin də amansızca Oğul, bir dəfə də sən sən ol Hekayənin "pis"-i sən ol Öncəlik ol bu dəfə sən Gör nə dəyişər yenidən Davranarlar sənlə ehtiyatla Verərlər dəyər sonsuz kərə Adəm oğlu belədir, oğul Özünü sevməyən sevilməz Sevənsə sevilər min bir kərə Yol davam edər günbəgün Alışacan qalmağa yalnız Qulaq ver sən bu faniyə Etmə riyakarlıq içindəki dahiyə Özünə xəyanət bitəcəkdir Sevgidə olan həqiqət cücərəcəkdir." Qaldım çılpaq mərkəzdə Tapmadım nəsə örtəcək məndə Ac olarkən bir qram sevgiyə Vararam gerçək bilgiyə Əbədi saxlamaz heç kəs bir sirri Deməlidirlər gerçəyi gizlətmədən Deməzlərsə səbəbdir sevməməzlikdən Önəmli insantək görünməzlikdən Dərd bitməz, gün bitər Kəpənək də heyfislənər ölər Görməz tək səfər yansımasın Ki öz dəyərin anımsasın